"Тұрғын үй қатынастары туралы" Қазақстан Республикасы Заңының 10-3 бабы 1-тармағына, Қазақстан Республикасы Индустрия және инфрақұрылымдық даму министрінің м.а. 2020 жылғы 30 наурыздағы №166 бұйрығының 1-тараудың 4-тармағына сәйкес "Кондоминиум объектісін басқаруға арналған шығыстардың жылдық сметасын есептеу әдістемесін, сондай-ақ кондоминиум объектісін басқаруға арналған жарналардың ең төмен мөлшерін есептеу әдістемесін бекіту туралы" (Қазақстан Республикасы Әділет министрлігінде 2020 жылғы 2 сәуірде №20284 болып тіркелген) қаулысына сәйкес, Көкшетау қаласының мәслихаты ШЕШІМ ҚАБЫЛДАДЫ:
1. Көкшетау қаласы мәслихатының 2026 жылғы 28 қарашадағы № С-26/10 "2026 жылға Көкшетау қаласында кондоминиум объектісін басқаруға және жалпы мүлікті күтіп-ұстауға арналған ең төмен шығыстар мөлшерін бекіту туралы" шешіміне келесі өзгерістер енгізілсін:
1-тармақ мынадай редакцияда жазылсын:
"1. Көкшетау қаласы бойынша 2026 жылға кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең төменгі мөлшері ай сайын 1 (бір) шаршы метр үшін 72,23 теңге мөлшерінде бекітілсін, бұл тиісті қаржы жылына арналған "Республикалық бюджет туралы" Қазақстан Республикасының Заңымен белгіленген айлық есептік көрсеткіштің 0,0167 бөлігін құрайды.";
2-тармақ алынып тасталсын.
2. Осы шешім қол қойылған күнінен бастап күшіне енеді және қолданысқа енгізіледі.
| Көкшетау қаласы мәслихатының төрағасы | Д. Әкімов |
