Қазақстан Республикасының Қаржы министрлері мен орталық банктер басшыларының жиырмалық тобымен өзара іс-қимылы жөнінде ұсыныстар әзірлеу үшін жұмыс тобын құру туралы

Қазақстан Республикасы Премьер-Министрінің 2012 жылғы 23 сәуірдегі № 85-ө Өкімі

Қазақстан Республикасын Қаржы министрлері мен орталық банктер басшыларының жиырмалық тобының саммитіне (бұдан әрі – G-20 саммиті) қатысушылардың құрамына қосу және G-20 саммиті шеңберінде әлемдік экономиканы реформалау жөніндегі Қазақстан Республикасының бастамаларын әзірлеу мақсатында:
1. Мынадай құрамда жұмыс тобы құрылсын:

Келімбетов Қайрат Нематұлы	–	Қазақстан Республикасы Премьер-Министрінің орынбасары, жетекші
Жошыбаев Рәпіл Сейітханұлы	–	Қазақстан Республикасы Сыртқы істер министрлігінің жауапты хатшысы, жетекшінің орынбасары
Қабылбеков Айдарбек Жапбарбекұлы	–	Қазақстан Республикасы Сыртқы істер министрлігінің көпжақты экономикалық ынтымақтастық басқармасының бастығы, хатшы
Бекетаев Марат Бақытжанұлы	–	Қазақстан Республикасы Әділет министрлігінің жауапты хатшысы
Ерғожин Дәулет Еділұлы	–	Қазақстан Республикасының Қаржы вице-министрі
Жақсылықов Тимур Мекешұлы	–	Қазақстан Республикасының Экономикалық даму және сауда вице-министрі.

2. Жұмыс тобы 2012 жылғы 1 қазанға дейін Қазақстан Республикасын G-20 саммитіне қатысушылардың құрамына қосу және G-20 саммиті шеңберінде әлемдік экономиканы реформалау жөніндегі Қазақстан Республикасының бастамалары бойынша ұсыныстар әзірлесін және Қазақстан Республикасының Үкiметiне енгізсін.
3. Осы өкімнің орындалуын бақылау Қазақстан Республикасы Сыртқы істер министрлігіне жүктелсiн.

Премьер-Министр К. Мәсімов