Қазақстан Республикасының Үкіметі ҚАУЛЫ ЕТЕДІ:
1. "Қазақстан Республикасында мектепке дейінгі, орта, техникалық және кәсіптік білім беруді дамытудың 2023 – 2029 жылдарға арналған тұжырымдамасын бекіту туралы" Қазақстан Республикасы Үкіметінің 2023 жылғы 28 наурыздағы № 249 қаулысына мынадай өзгерістер мен толықтырулар енгізілсін:
көрсетілген қаулымен бекітілген Қазақстан Республикасында мектепке дейінгі, орта, техникалық және кәсіптік білім беруді дамытудың 2023 – 2029 жылдарға арналған тұжырымдамасында:
"6. Нысаналы индикаторлар және күтілетін нәтижелер" деген бөлімдегі бірінші бөлік мынадай мазмұндағы 15-1) тармақшамен толықтырылсын:
"15-1) енгізілген жатақхана төсек-орындарының саны (2026 жыл – 1500 орын, 2027 жыл – 2000 орын, 2028 жыл – 2000 орын, 2029 жыл – 2000 орын);";
Қазақстан Республикасында мектепке дейінгі, орта, техникалық және кәсіптік білім беруді дамытудың 2023 – 2029 жылдарға арналған тұжырымдамасын іске асыру жөніндегі іс-қимыл жоспарында:
"3. Техникалық және кәсіптік білім беру – жұмысшы кадрларды даярлайтын негізгі буын" деген тарауда:
реттік нөмірі 78-жол алып тасталсын:
мынадай мазмұндағы нысаналы 15-1-индикатормен толықтырылсын:
"Нысаналы 15-1-индикатор
Енгізілген жатақхана төсек-орындарының саны (2026 жыл – 1500 орын, 2027 жыл – 2000 орын, 2028 жыл – 2000 орын, 2029 жыл – 2000 орын)";
мынадай мазмұндағы реттік нөмірлері 84-1 және 84-2-жолдармен толықтырылсын:
"
84-1. | Қолданыстағы инфрақұрылымды кеңейту және жаңғырту арқылы студенттерді жергілікті бюджет қаражаты есебінен жатақханалардағы орындармен қамтамасыз ету | Қазақстан Республикасы Үкіметінің Аппаратына ақпарат | 2026 – 2029 жылдардағы желтоқсан | ОМ, ЖАО |
84-2. | Студенттерді жатақханалардағы орындармен, оның ішінде жаңа орындарды енгізу есебінен қамтамасыз ету | ОМ-ге есеп |
2023 – 2029 жылдардағы | ЖАО, "Қаржы орталығы" АҚ (келісу бойынша) |
";
"6. Педагогтердің кәсіптік және мәдени капиталын арттыру" деген тарауда:
реттік нөмірі 162-жол мынадай редакцияда жазылсын:
"
162. | ТжКБ ұйымдарында жұмыс істеу үшін тиісті қосымша ақы төленетін біліктілік санатын бере отырып, өндірістен мамандар тарту | Қазақстан Республикасы Үкіметінің Аппаратына ақпарат | 2023 – 2029 жылдардағы желтоқсан | ОМ, ЖАО, "Атамекен" ӨКП (келісу бойынша) |
".
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
О. Бектенов |
